EGO BAND këtë javë lanson klipin e dytë

Category: Aktual Created on Friday, 14 September 2012 14:00 Hits: 295

Pas ndryshimeve të shumta në formimin e tyre si grup, anëtarët e "EGO band" arritën që me sukses të realizojnë këngën e tyre të dytë, "Give It To Me".

Grupi i formuar në vitin 2005, tani i përbërë nga Agimi, Ana, Genci dhe Miri brenda këtij muaji, do të prezantohen për herë të parë bashkë tek publiku me videoklipin e tyre të ri. Rrugëtimin e tyre drejt formimit, sukseset, stilin muzikor dhe planet brenda vitit, ata i kanë zbuluar në një intervistë për "Tribuna Shqiptare".

"Kënga e re mban titullin, "Give It To Me". Kënga është kompozuar dhe realizuar nga Agimi dhe Miri në studion e këtyre të dyve 'AM Music Production'. Ndërsa, xhirimet e klipit i ka bere stafi i 'AM Production' dhe 'Fenix Production'. Përgjithësisht, kënga dhe klipi janë realizuar shumë mirë", njoftojnë anëtarët e grupit.

Ndryshe, "Grupi "EGO band" u formua në vitin 2005 dhe në mars të 2005-ës lansuan këngën dhe video klipin e parë. "Kënga titullohej "Çdo gjë mori fund" dhe pati një sukses të jashtëzakonshëm. Më pas, ndodhën disa ndryshime brenda grupit dhe ishte vetëm para një viti kur u njoftuam me Mirin, pastaj me Anën. Tani grupi ynë përbëhet nga katër anëtarë: Ana Kabashi –Vokal, Agim Kita -Daulle, Genc Morina-Kitare dhe Miri Nushi –Keyboard".